Өнөөдрийн хөрөнгө оруулалт — маргаашийн боломж
How can we help?
Хөрөнгө оруулалтын зөвлөх
Бонд арилжаа
Хувьцааны арилжаа
Санхүүжилт
Түгээмэл асуултууд
Хас банк 2025 онд нийт 172.6 тэрбум төгрөгийн цэвэр ашигтай ажиллажээ. Харин 2026 оны эхний улиралд 42.4 тэрбум төгрөгийн цэвэр ашигтай ажилласан байна.
2025 онд Банкны зээлийн багцын өсөлтийг даган хүүгийн орлого өссөн боловч төв банкны cвоп хэлцлийн хүүгийн зардал нэмэгдсэн, мөн заавал байлгах нөөцийн хэмжээг нэмэгдүүлсэн зэрэг нь ашигт ажиллагаанд сөргөөр нөлөөлсөн байна. Мөн эдийн засгийн нөхцөл байдалтай уялдан банкны чанаргүй зээлийн хэмжээ өмнөх онтой харьцуулахад өссөн нь сангийн зардлыг нэмэгдүүлсэн байна.
Тайлант хугацаанд ХасБанк нь Монголбанкнаас тогтоосон зохистой харьцааны шалгуур үзүүлэлтүүдийг бүрэн хангаж ажилласан байна.
Үүнд:
Нэгдүгээр зэрэглэлийн өөрийн хөрөнгө болон эрсдэлээр жигнэсэн активын зохистой харьцаа 20.1% (байвал зохих хэмжээ 12.5%).
Төлбөр түргэн гүйцэтгэх чадварын харьцаа 34.1% (байвал зохих хэмжээ 25.0%).
2025 оны байдлаар өөрийн хөрөнгийн өгөөж буюу ROE 21.8 хувь, нэгж хувьцаанд ногдох ашиг буюу EPS 164.1 төгрөг байна.
---
2025 онд: Нийт зээлийн багц 4,184 тэрбум төгрөгт хүрч, оны эхнээс 13.1 хувиар өссөн байна.
Иргэдийн банкны зээлийн багц оны эхнээс 4.8 хувиар өсөж 2,710 тэрбум төгрөгт хүрэхэд хэрэглээний болон бичил, ЖДБ зээлийн өсөлт нөлөөлжээ.
ХасЛизинг санхүүгийн түрээс болон зээлийн багц 659 тэрбум төгрөгт хүрч, оны эхнээс 41.1 хувь, 2025 онд шинэ автомашины зээлийн үлдэгдэл оны эхнээс 43.9 хувиар өссөн бол дугаартай автомашины зээлийн үлдэгдэл оны эхнээс 50.6 хувиар өссөн байна.
2026 оны I улиралд: Зээл ба санхүүгийн түрээсийн багц 4,374 тэрбум төгрөгт хүрч, өмнөх улирлаас 4.6 хувиар өссөн байна. Тайлант хугацаанд Иргэдийн банкны зээл 109 тэрбум төгрөгөөр буюу 4.4 хувиар, Бичил, жижиг дунд бизнесийн зээл 28 тэрбум төгрөгөөр буюу 12.6 хувиар, Санхүүгийн түрээсийн багц 64 тэрбум төгрөгөөр буюу 9.7 хувиар тус тус өссөн нь нийт багцын өсөлтөд голчлон нөлөөллөө.
Зээлийн багц
---
Чанаргүй зээлийн харьцаа нь 2.5 хувь байгаа нь банкны салбарын үзүүлэлтдээ Хас Банк ХК сайн байгааг харуулж байна.
---
Хувьцааны мэдээлэл
Хас Банк ХК (XAC)-ийн хувьцааны үнэ 2025 оны 12 сард 963.9 төгрөгөөр хаагдсан нь өмнөх оны хаалтын ханшаас 16.7 хувь, IPO хийсэн үнээс 42.4 хувиар өслөө.
2025 оны IV улирлын байдлаар нэгж хувьцаанд ногдох ашиг 164.1 төгрөг байна.
Хас Банк ХК (XAC) нь жижиг хувьцаа эзэмшигчдийн хувьцааны хөрвөх чадварыг нэмэгдүүлэх зорилгоор нээлттэй зах зээлд гаргасан хувьцаанаас тодорхой хэсгийг эргүүлэх худалдан авах хөтөлбөрийн дагуу нийт 2,672,816 ширхэг (нийт эргэлтэд гаргасан хувьцааны 0.25%) хувьцааг халаасалсан байна.
2025 оны эхний хагас жилийн цэвэр ашгаас нэгж хувьцаанд 18 төгрөг буюу нийт 18.9 тэрбум төгрөгийн ногдол ашиг хуваариллаа. Харин 2025 оны жилийн эцсийн хуримтлагдсан ашгаас нэгж хувьцаанд 30 төгрөг буюу нийт 31.2 тэрбум төгрөгийг хуваарилахаар шийдвэрлэжээ.
Доорх үзүүлэлтүүдээс харахад “Хас Банк” ХК нь ашигт ажиллагаа тогтвортой, үнэлгээний хувьд банкны салбарын чанартай компанийн түвшинд арилжаалагдаж байгаа гэж дүгнэж болно.
Ашигт ажиллагааны хувьд ROE 20.2% байгаа нь хувьцаа эзэмшигчдийн хөрөнгийг үр ашигтай ашиглаж, өндөр өгөөж бий болгож байгааг харуулж байна. Харин ROA 2.5% байгаа нь банкны нийт активын өгөөж боломжийн түвшинд байгааг илэрхийлнэ. Банкны салбарт ROA харьцангуй бага байдаг тул энэ үзүүлэлт нь активын хэмжээгээр том санхүүгийн байгууллагын хувьд эерэг дохио гэж үзэж болно.
5 дугаар сарын 4-ны өдрийн ханшаар тооцоход P/E нь 6.6, P/B 1.3 байна.
Цэвэр ашгийн маржин 20.3% байгаа нь компанийн орлогоос бодит ашиг үлдэх чадвар сайн байгааг харуулж байна. Өөрөөр хэлбэл, банк зардлаа хянах, зээлийн багц болон санхүүгийн үйл ажиллагаанаас ашиг бий болгох чадвартай байна.
Ханшийн хувьд 52 долоо хоногийн доод ханш 831.85₮, дээд ханш 1,089₮ байгаа бол 2026.03.05-ны хаалтын ханш 1,083₮ байна. Энэ нь хувьцааны ханш сүүлийн нэг жилийн дээд түвшинд ойртсон байгааг харуулж байгаа тул богино хугацаанд өсөлтийн орон зай хязгаарлагдаж болзошгүй. Гэсэн хэдий ч тогтвортой ашигт ажиллагаа, ROE-ийн өндөр түвшин, ногдол ашиг хуваарилах шийдвэр нь урт хугацааны хөрөнгө оруулагчдын сонирхлыг дэмжих хүчин зүйл болж байна.
“Хас Банк” ХК нь ашигт ажиллагаа сайтай, өөрийн хөрөнгийн өгөөж өндөр, үнэлгээний хувьд харьцангуй боломжийн түвшинд байгаа банкны салбарын тогтвортой хувьцаа гэж харагдаж байна.
