Өнөөдрийн хөрөнгө оруулалт — маргаашийн боломж
Хөрөнгөө тогтмол өгөөжтэй байршуулахыг хүсдэг хөрөнгө оруулагчдын хувьд бонд нь түгээмэл сонголтын нэг. Гэхдээ бонд бүр ижил нөхцөл, ижил хүртээмж, ижил эрсдэлтэй байдаггүй.
Ялангуяа нээлттэй болон хаалттай бондын ялгааг ойлгох нь өөрийн зорилго, хөрөнгө оруулах хэмжээ, эрсдэл даах чадварт тохирсон шийдвэр гаргахад чухал.
Энэ удаагийн нийтлэлээр бондын үндсэн ойлголтыг тайлбарлаж, нээлттэй бонд яагаад олон нийтэд илүү хүртээмжтэй, ойлгомжтой сонголт байдгийг танилцуулъя.
Бонд гэдэг нь хөрөнгө оруулагч тодорхой хугацаанд байгууллага эсвэл Засгийн газарт мөнгөө зээлдүүлснийг баталгаажуулах үнэт цаас юм.
Хувьцааны үнэ зах зээлийн нөхцөлөөс шалтгаалан тогтмол хэлбэлздэг бол бондын хүү, хугацаа, төлбөрийн хуваарь урьдчилан тодорхой байдаг. Иймээс хөрөнгөө төлөвлөгөөтэй өсгөх, орлогоо урьдчилан тооцоолохыг хүсдэг хүмүүст илүүойлгомжтой хөрөнгө оруулалтын хэрэгсэл болдог.
Гэхдээ бонд бүр эрсдэлгүй биш. Гаргагч байгууллагын санхүүгийн чадвар, төлбөрийн эх үүсвэр, барьцаа, баталгаа болон зах зээлийн хөрвөх чадварыг заавал судлах шаардлагатай.
Нээлттэй бонд нь хөрөнгийн биржээр дамжуулан олон нийтэд санал болгодог өрийн хэрэгсэл юм. Бонд гаргагч байгууллага нь санхүүгийн мэдээлэл, хөрөнгө татах зорилго, төлбөрийн нөхцөл болон эрсдэлийн хүчин зүйлсээ нийтэд нээлттэйтанилцуулдаг тул хөрөнгө оруулагч мэдээлэлд тулгуурлан шийдвэр гаргах боломжтой.
Нээлттэй бондын гол давуу тал нь иргэн, байгууллага аль аль нь худалдан авах боломжтой, харьцангуй бага дүнгээр хөрөнгө оруулалтаа эхлүүлэхэд тохиромжтой байдагт оршино. Мөн зохицуулалттай зах зээлд арилжаалагддаг учир арилжааны үйлявц ил тод, ойлгомжтой бөгөөд зах зээлийн эрэлтээс хамааран хугацаанаас нь өмнө худалдах боломжтой.
Түүнчлэн хүүгийн орлогод 5 хувийн татвар ногддог нь цэвэр өгөөжийг нэмэгдүүлэх давуу талтай. Иймээс хөрөнгө оруулалтаа анхлан эхлүүлж буй болон ил тод, хүртээмжтэй нөхцөлтэй бүтээгдэхүүн сонгохыг хүсдэг хүмүүст нээлттэй бондтохиромжтой сонголт байж болно.
Монгол Улсад хаалттай бондын арилжаа ихэвчлэн биржийн бус буюу OTC зах зээлээр явагддаг бөгөөд мэргэжлийн хөрөнгө оруулагчид түлхүү оролцдог.
Хаалттай бондын онцлог
Хязгаарлагдмал хүрээнд санал болгодог.
Мэргэжлийн хөрөнгө оруулагчийн шалгуур тавигдаж болно.
Хөрөнгө оруулалтын доод хэмжээ өндөр байх боломжтой.
Хүүгийн түвшин өндөр байж болох ч эрсдэл мөн нэмэгдэх магадлалтай.
Хугацаанаас өмнө худалдах боломж харьцангуй хязгаарлагдмал байж болно.
Хүүгийн орлогод 10 хувийн татвар ногдоно.
Хаалттай бонд нь тодорхой туршлага, санхүүгийн мэдлэгтэй, харьцангуй өндөр дүнгээр хөрөнгө оруулах боломжтой хүмүүст илүү тохиромжтой байдаг.
Хөрөнгө оруулалтаа бага дүнгээр эхлүүлэх, мэдээлэлтэй нээлттэй танилцах, зохицуулалттай зах зээлээр арилжаалах болон татварын хөнгөлөлт эдлэхийг хүсвэл нээлттэй бонд илүү тохиромжтой сонголт байж болно.
Бид танд шинэхэн нээлттэй бонд болох Ашгаа аривжуул “Ард Бонд 2”-ыг танилцуулж байна
Та тогтмол хүүгийн орлого авахын зэрэгцээ хөрөнгөө ил тод, зохицуулалттай зах зээлд байршуулахыг хүсэж байна уу?
“Ард Бонд 2” нь жилийн 19.5 хувийн хүүтэй, 18 сарын хугацаатай бөгөөд хүүгийн орлогоо улирал бүр авах боломжтой нээлттэй бонд юм. Нэгжийн нэрлэсэн үнэ 100,000 төгрөг тул хөрөнгө оруулалтаа бага дүнгээр эхлүүлэх боломжтой. Мөн нээлттэй бондын хүүгийн орлогод 5 хувийн татвар ногддог нь хаалттай бондын татвартай харьцуулахад хоёр дахин бага давуу нөхцөл юм.
---
10,000,000 төгрөгөөр 100 ширхэг бонд худалдан авч, 18 сарын турш эзэмшсэн гэж үзвэл:
Татварын өмнөх нийт хүү: 2,925,000 төгрөг
Хүүгийн орлогын 5 хувийн татвар: 146,250 төгрөг
Татварын дараах нийт хүүгийн орлого: 2,778,750 төгрөг
Хугацааны эцэст буцаан авах үндсэн төлбөр: 10,000,000 төгрөг
Ингэснээр 18 сарын хугацаанд татварын дараах нийт 2,778,750 төгрөгийн хүүгийн орлого хүртэх боломжтой.
Арилжаа 2026 оны 8 дугаар сарын 3-нд нээгдэнэ.
Хөрөнгө оруулалтын дүнгээ урьдчилан төлөвлөж, “Ард Бонд 2”-ын өгөөж, төлөлтийн нөхцөл болон захиалгын мэдээлэлтэй танилцаарай. Дэлгэрэнгүй зөвлөгөө авахыг хүсвэл Апекс Капитал ҮЦК-ийн мэргэжлийн зөвлөхтэй холбогдоно уу.
Хэрхэн захиалга өгөх вэ:
“Мэдээлэл авах” хэсэгт дарж, бондын дэлгэрэнгүй нөхцөлтэй танилцан урьдчилсан захиалгаа өгөөрэй.
☎️Лавлах утас: 7510-7500
Энэхүү нийтлэл нь ерөнхий мэдээллийн зориулалттай бөгөөд үнэт цаас худалдан авах шууд санал, баталгаатай өгөөжийн амлалт биш болно. Хөрөнгө оруулалтын шийдвэр гаргахын өмнө үнэт цаасны албан ёсны танилцуулга, гаргагчийнсанхүүгийн мэдээлэл, төлбөрийн эх үүсвэр болон эрсдэлийн нөхцөлтэй бүрэн танилцана уу.
